Cryfder: 0%
Calorïau ymhob potel: Wrthi’n aros gwybodaeth
Y muscato pefriog hwn oedd y gwin di-alcohol cyntaf i ni ei brofi, ac roedd e’n ddechrau eithaf addawol i’n taith. Mae ganddo ddigon o swigod, ac er nad oes yma frathiad miniog gwin pefriog sych da, mae’n bell o fod yn rhy felys.
Yn ôl yn 2012, dywedodd Jilly Goolden mai hon oedd ei “diod ddi-alcohol orau” a bod ganddi “arogl swynol te jasmin”. Fasen ni ddim yn mynd mor bell â hynny, ond, wedi’i hoeri’n dda ar ddiwrnod poeth, mae hon yn ddiod dderbyniol iawn.
Yn Marks and Spencer prynon ni fe, a hyd y gwyddom ni dyna’r unig siop sy’n ei werthu.
