Cryfder: 0.0%
Calorïau ymhob potelaid: 95 (19 ymhob 100ml)
Sgôr: 3 o 5
Wedi’i sefydlu yn 1896, roedd y London Essence Company yn arbenigo ar ddistyllu ffrwythau a pherlysiau er mwyn creu rhiniau ar gyfer persawr, losin a diodydd. Yn 2016, agorwyd archifau’r cwmni, gan ddatguddio hen ryseitiau a ddaeth yn ysbrydoliaeth i gasgliad newydd o ddiodydd di-alcohol – ar gyfer eu cymysgu gyda gwirodydd, ynteu eu mwynhau fel maen nhw.
Mae’n eglur fod adfywio’r cwmni wedi esgor ar lwyddiant mawr, ac mae ei gynnyrch ar gael bellach yn y siopau mwyaf moethus ac mewn tafarndai ffasiynol o Efrog Newydd i Hong Cong. Fydd dim rhaid i chithau fynd mor bell â hynny er mwyn eu profi, gan eu bod ar werth hefyd yn Waitrose ac Ocado, a’r ddau werthwr yn cynnig cryn ddetholiad o ddiodydd y cwmni.
Yn ein barn ni, roedd y ddiod eirian gwlanog a jasmin yma yn un ddigon dymunol, heb fod yn rhy felys, a gydag arogl blodeuog hyfryd. Mae hefyd yn hynod brin ei chalorïau er nad oes ynddi ddim melysyddion artiffisial.
