Cryfder: 0.5%
Calorïau ymhob potelaid: 66 (20 ymhob 100ml)
Sgôr: 4 o 5
Fel nifer o gyrfau Tiny Rebel, mae’r cwrw du yma yn gymysgedd mawr cymhleth o flasau. Yn gyntaf oll mae arogl coffi, ac wedyn siocled tywyll, a’r rheini’n gymysg â hopys a brag. Mae’n tywallt yn dda gyda digon o ewyn. Efallai ei fod e fymryn bach yn denau, ond mae’n cymharu’n ffafriol â sawl cwrw sydd wyth neu ddeng gwaith y cryfder.
Un peth doedden ni ddim hollol gyffyrddus amdano oedd yr enw. Mae cynhyrchwyr cwrw yn weddol gytûn nad yw cysylltu diodydd alcoholaidd â chyffuriau anghyfreithlon yn syniad arbennig o dda. Os yw hynny’n wir am gwrw arferol, onid ddylen ni ddweud yr un peth am gwrw dirwestol fel hwn?
