Cryfder: 0.0%
Calorïau ymhob potelaid: 94 (34 ymhob 100ml)
Sgôr: 2 o 5
Mae’r ddiod ddi-alcohol newydd yma yn cael ei marchnata fel ‘un aperitivo elegante’, gyda gwefan sy’n llawn lluniau o fywyd Eidalaidd braf. Wedi’i chreu â llugaeron, criafol, a llu o berlysiau blasus, daw mewn pecyn coch ac aur trawiadol, a golwg arni fel ‘la dolce vita’ mewn potel.
O ystyried hyn oll, roedden ni’n edrych ymlaen yn arw iawn at ei blasu. Yn anffodus, doedd hi ddim at ddant ein panel profi. Mae tipyn o wynt sierbet arni hi, ac mae ganddi adflas eithriadol o chwerw sy’n cydio yng nghefn y gwddf. Mae’n ddrwg gennym ddweud nad oedden ni ddim yn awyddus i wagio’r botel.
Os ydych chi’n un am ‘aperitivo’ fel arfer, rhowch gynnig arni. Efallai ein bod ni’n bell ohoni! Mae Monte Rosso ar gael yn Waitrose a thrwy Ocado, lle cewch chi ddarllen hefyd farn pobl eraill arni.
