Cryfder: 0.3%
Calorïau ymhob 100ml: 9
Roedd ein panel profi wedi’u siomi ar yr ochr orau gan ffresni a blas y gwin gwyn hawdd-ei-yfed yma, sy’n ddewis da i bob un sydd am yfed llai o alcohol heb golli pleserau gwydraid da o win.
Mae Zeno Viura yn rhoi arogl glân a deniadol, tebyg i Pinot Grigio. Mae’n taro’r trwyn yn ysgafn a ffrwythus, ac mae’r blasau sitrws sy’n dod wedyn yn dilyn yr un trywydd. Yn y geg, mae’n teimlo’n drwchus a thrwm – teimlad sy’n cael ei golli yn aml wrth dynnu’r alcohol o win. Mae’n cyd-fynd yn dda efo prydau ysgafnach fel pysgod neu salad, ond mae’n gallu dal ei dir ochr yn ochr â bwydydd brasach – peth arall nad yw pobl gwin di-alcohol yn gallu ei wneud.
At ei gilydd, gallwn ni ddweud yn hyderus fod Zeno Viura yn ddiod benigamp i bwy bynnag sydd am osgoi alcohol ond mwynhau gwin o hyd.
