Cryfder: 0.5%
Calorïau ymhob 100ml: Wrthi’n aros gwybodaeth
Dyma adroddiad gwadd gan ein gohebwyr crwydrol Q a Blue, a fuodd yn nhafarn y bragdy yn Aberdeen
Sefydlwyd Bragdy Fierce Beer yn Aberdeen yn 2015 gan griw o bobl a fu wrthi’n frwd hyd hynny’n creu cwrw cartref. Agoron nhw eu tafarn gyntaf, hefyd yn y Ddinas Ithfaen, yn 2018. Mae ganddyn nhw gasgliad mawr o gyrfau ar gryfderau amrywiol. Felly, sut mae eu cwrw 0.5%?
Cwrw hawdd ei yfed yw e. Mae ganddo arogl da a golwg gymylog ddymunol. Mae ychydig o nodau barlys ac adflas da. Ond, at ei gilydd, roedd ein panel profi yn ei gael e braidd yn brin o flas. Mae e’n well na rhai o gyrfau di-alcohol y cwmnïau mawrion, ond mae gwell cyrfau crefftus prin-eu-halcohol i’w cael.
