Cryfder: 0.0%
Calorïau ymhob 100ml: 38
Mae’r ddiod befriog bleserus yma wedi’i gwneud o sudd grawnwin muscat – sy’n rawnwin cyffredin ar gyfer gwneud gwin – ynghyd â sudd cyrens duon.
Ar y blas cyntaf, mae’n debyg braidd i winoedd di-alcohol y gorffennol – fel sudd grawnwin coch, bras a melys. Ond wedyn daw’r swigod bywiog, a brathiad y cyrens duon sur, sy’n gwneud hon yn ddiod fwy diddorol o dipyn.
Yn ôl y broliant ar y botel, diod hafaidd yw hon, a gorau oll ei gweini gyda rhew. Yn ein barn ni, mae hi hefyd yn gweithio’n dda heb ei hoeri gymaint fel llymaid gaeafol llawen.
