Stride Pale Lager

Cryfder: llai na 0.5%
Calorïau ymhob can: 33
Sgôr: 4 o 5

Lansiodd Dave a Hannah gwrw Stride yn 2021, pan oedd y cyfan o’r wlad dan glo. Diod isotonig yw hi ac wedi’i hanelu’n bwrpasol at athletwyr, ac yn ôl ei chreawdwyr, “fydd hi ddim difetha’ch perfformiad nac yn eich gadael chi’n simsan bore trannoeth”.

Nawr ’te, mae pawb yn gwybod fod diodydd isotonig yn ffefryn mawr gan y rhai sy’n hoffi cystadlu yn y campau, ond dyw’r rhan fwyaf ohonyn nhw ddim yn debygol o ennill medalau am flas. Beth wnewch, felly? Bachu cwrw a chefnu ar yr ymarfer corff? Neu gadw ati efo’r elicsirau isotonig melys a llachar eu lliwiau? Wel, diolch i’r cwrw isotonig prin-ei-alcohol yma, does dim rhaid i chi wneud y fath ddewis.

Mae Stride yn cael ei fragu i fod yn brin iawn o alcohol, ond mae’n gyforiog o electrolytau, fitaminau a mwynau. Ac mae’n blasu fel...wel, fel cwrw crefftus da. Felly, fydd eich sesiwn gyda’r hwyr ddim yn amharu ar y bore nesaf. Cewch chi’r gorau o’r ddeubeth, gan mai cyn lleied yw cryfder y cwrw yma fel na fydd yn gwanhau eich cyhyrau.