Cryfder: 0.5%
Calorïau ymhob 100ml: dim gwybodaeth
Sefydlwyd Bragdy Caerloyw yn 2011 yn hen ddociau’r ddinas, ac maen nhw eisoes wedi creu un cwrw di-alcohol da. Wedi’i lansio yn 2024, Cheepy Chopper yw eu hail gwrw ar 0.5%, ac mae e lawn cystal.
Dyma gwrw gwelw cymylog gyda digon o drwch. Mae digon o hopys hefyd, ond fydd y chwerwder ddim yn crychu eich ceg. Mae’n gwrw sesiynol da. A gan nad yw’n gryfach na 0.5%, gall eich sesiwn barhau am faint fynnwch chi.
Mae’n dod mewn can trwsiadus gyda chartŵn annwyl o olygfa o ddinas Caerloyw gyda’i chlochdai adnabyddus, ac mae 10% o’r elw’n mynd at Ambiwlans Awyr y Gorllewin, sy’n gwasanaethu cleifion yn ardaloedd Bryste, Caerfaddon a Gwlad-yr-Haf.
